琴晚食完飯就執齊書落去自修室溫書
落到去見到我fd個樣咁苦悶，就行去拍下佢膊頭問:「做咩咁沉寂?係咪想做林夕?」
從佢表情回應我就知道好爛，即刻高舉雙手話:「ok!Fine!當我無講過!」
之後一路溫書都無咩大問題，但溫溫下，我fd突然傳紙仔比我問 : "你隔離條女正唔正? "
我就扮跌筆，順勢望一望隔離條女係咩樣喇，睇完之後傳返紙仔比佢 : "食之無味，棄之可惜"
佢又傳返比我 : "有肉唔食，罪大惡極 "
之後我地一路好無聊好白痴咁寫哂狂傳紙仔，攪到我地兩個忍笑忍得好辛苦。
過左一陣，大家又穩定返心情又溫下書，但唔知邊到傳來 " e e 聲 "
個" e e 聲" 個節奏愈黎愈急速，後來我fd 傳左張紙仔比我，我睇完即刻大笑左出黎
佢張紙仔寫住: " 頂!有人un野!"
笑死我!我一笑，我fd又笑，又係笑到收唔到聲!超辛苦!
隔離班女仔見到我地都忍唔住出聲: "痴線....又笑"
之後佢地又笑埋一份!!原來d聲係有人 "un"凳!
溫完書就同我fd去惠康買野食，去到比錢個陣，我fd就係袋到搵啲碎銀
於是佢就放低左手上嘅現代補習名師Patrick Chan嘅英文筆記落過機張枱到......
但個收銀員就拎起左本野不斷係到搵個條碼係邊!!我頂!!佢想過機呀!!!真係柒到地核都裂開!!!!!
我fd忍住笑話: 「阿姐!依個唔係黎......」
個收銀員知自己樣衰左就拿拿淋拎其他野食過機........
可惜，我個陣笑到癲，完全忍唔到.......真係好好笑!!
Copy from 15/1/2008 xanga
朋友，你仲記得我地中學時期啲Kai野嗎?
自從你做左督察後，我地就再無見過面，你近來好嗎
我回味緊昔日讀書時期同我一齊奮鬥嘅你
好兄弟。
Search